മമ്മൂട്ടി ചിത്രം കുട്ടനാടന്‍ ബ്ലോഗിനെ വിമര്‍ശിച്ച് കമന്റിട്ടയാള്‍ക്ക് മറുപടി നല്‍കി നടന്‍ ഉണ്ണി മുകുന്ദന്‍. ചിത്രത്തെ പ്രശംസിച്ച് ഉണ്ണി എഴുതിയ കുറിപ്പിന് താഴെയാണ് വിമര്‍ശകന്‍ പ്രതിഷേധമറിയിച്ചത്.
നാടിന്റെ നേരും നന്മയും നിറഞ്ഞ ഒരു നല്ല കുടുംബ ചിത്രം. മമ്മൂക്കയ്ക്കും സേതു ചേട്ടനും ഈ സിനിമയുടെ ഭാഗമായി കൂടെ നിന്ന എല്ലാവര്‍ക്കും, നിറഞ്ഞ സ്‌നേഹം ; ഇതായിരുന്നു ഉണ്ണി തന്റെ ഫേസ്ബുക്ക് പേജില്‍ കുറിച്ചത്.
ഉണ്ണിച്ചേട്ടാ, നിങ്ങള്‍ ഒരു നടന്‍ അല്ലേ, തീര്‍ത്തും ശരാശരി നിലവാരത്തിലുള്ള സിനിമയെ ഇങ്ങനെ തള്ളുന്നത് കഷ്ടമാണെന്നായിരുന്നു വിമര്‍ശകന്റെ കമന്റ്.
കുടുംബങ്ങള്‍ക്ക് ചിത്രം ഇഷ്ടമാകും. എന്തിനാ ഇങ്ങനെ ടെന്‍ഷന്‍ ആകുന്നത് ? സമാധാനിക്കൂ, ഇതൊരു സിനിമയല്ലേ ? കാണാത്തവര്‍ കാണട്ടെ, ഇതൊരു യുദ്ധം ഒന്നും അല്ലല്ലോ, ഇതായിരുന്നു ഉണ്ണിയുടെ മറുപടി.
